નવા શૈક્ષણિક સત્રની શરૂઆત સાથે જ વાલીઓ પર વધુ એક આર્થિક બોજ આવવાની શક્યતા છે. સ્કૂલ રીક્ષા અને વાનના ભાડામાં વધારો નક્કી કરવા માટે આજે બેઠક યોજાનાર છે, જ્યારે સ્કૂલ વર્ધી એસોસિએશનની બેઠકમાં પણ ભાવ વધારા અંગે ચર્ચા કરવામાં આવશે. છેલ્લે વર્ષ 2024માં ભાડામાં વધારો કરવામાં આવ્યો હતો, ત્યારે CNGનો ભાવ પ્રતિ કિલો રૂ. 76 હતો, જે હાલમાં વધીને રૂ. 88 થયો છે. ઈંધણ સહિત વિવિધ ખર્ચમાં થયેલા વધારાને ધ્યાનમાં રાખીને ભાડા અને સ્કૂલ વર્ધીના ભાવમાં વધારો કરવાની માંગ ઉઠી છે. ભાવ વધારા અંગેનો અંતિમ નિર્ણય અને સત્તાવાર જાહેરાત આજે સાંજે 4 વાગ્યે યોજાનારી બેઠક બાદ કરવામાં આવશે.
