સુરેન્દ્રનગર જિલ્લામાં લીંબડી હાઈવે સહિતના અનેક પેટ્રોલપંપ પર પેટ્રોલ અને ડીઝલ માટે વાહનચાલકોની લાંબી લાઈનો જોવા મળી રહી છે. પૂરતા જથ્થાના દાવાઓ વચ્ચે લોકો કેરબા અને અન્ય વાસણો લઈને પેટ્રોલ ભરાવવા ઉમટી પડ્યા હતા. અનેક પંપ પર રાત્રે જ પેટ્રોલ-ડીઝલનો જથ્થો પહોંચે છે અને થોડા જ સમયમાં ખાલી થઈ જતો હોવાની સ્થિતિ સર્જાઈ છે, જેના કારણે વાહનચાલકોમાં ચિંતા અને અફરાતફરીનો માહોલ જોવા મળી રહ્યો છે.
