રાજકોટ રેન્જ ડીઆઈજી નિર્લિપ્ત રાયે, સુરેન્દ્રનગરના ASIને કર્યા સસ્પેન્ડ

સુરેન્દ્રનગરના ASIના ઘરમાંથી મળી આવેલ ડબ્બા ટ્રેડિંગનો મામલે રાજકોટ રેન્જ ડીઆઈજી નિર્લિપ્ત રાય દ્વારા ASI સંજયસિંહ રાઠોડને સસ્પેન્ડ કરવામાં આવ્યા છે. ધરપકડથી બચવા ASI સંજયસિંહ રાઠોડ નાસતો ફરતો હોવાનું ખુલ્યું છે. જેતપુર પોલીસ દ્વારા જુદી જુદી જગ્યાએ સંજયસિંહ રાઠોડની શોધખોળ હાથ ધરવામાં આવી છે. અગાઉ સંજયસિંહના પિતા સહિત 6 વ્યક્તિઓને ઝડપી પાડવામાં આવ્યા હતા. સુરેન્દ્રનગરના રતનપરમાં છેલ્લા ત્રણ વર્ષથી ગેરકાયદે ડબ્બા ટ્રેડિંગ ચાલતું હતું. સસ્પેન્ડેડ ASI ના ઘરમાં ચાલતું હતું ડબ્બા ટ્રેડિંગ. ત્રણ વર્ષમાં અંદાજીત 100 કરોડ જેટલા આર્થિક શંકાસ્પદ વ્યવહારો થયા હોવાની શક્યતા.