ગુજરાતમાં સ્થાનિક સ્વરાજ્યની ચૂંટણીને લઈને રાજકીય ગરમાવો વધતો જઈ રહ્યો છે અને હવે કાઉન્ટડાઉન શરૂ થઈ ગયું છે. રાજ્યમાં કોઈપણ સમયે ચૂંટણીની તારીખો જાહેર થઈ શકે છે તેવી શક્યતા વચ્ચે આજે થી પ્રદેશ ભાજપ દ્વારા સેન્સ પ્રક્રિયાની શરૂઆત કરવામાં આવી છે. ભાજપના નિરીક્ષકો જિલ્લા પંચાયત અને મહાનગરપાલિકાઓમાં જઈને સંભવિત ઉમેદવારો અંગે સેન્સ લેશે, જે પ્રક્રિયા આગામી ચાર દિવસ સુધી ચાલુ રહેશે. ત્યારબાદ ત્રણ ઉમેદવારોની પેનલ તૈયાર કરી પાર્લમેન્ટરી બોર્ડને રિપોર્ટ સોંપવામાં આવશે અને આ રિપોર્ટના આધારે પ્રદેશ સમિતિ અંતિમ ઉમેદવારોની પસંદગી પર મંજૂરી આપશે.
