મહેસાણામાં ભાજપ ઉમેદવારના સંબંધીની છરીના ઘા ઝીંકી હત્યા, ચૂંટણી પૂર્વે માહોલ તંગ

મહેસાણા મનપાની ચૂંટણી દરમિયાન વોર્ડ નં-4માં રાજકીય સ્પર્ધા હિંસક બની જતા પરિસ્થિતિ તંગ બની ગઈ હતી. ભાજપ અને કોંગ્રેસના સમર્થકો વચ્ચે થયેલા ઘમસાણમાં ખૂની ખેલ ખેલાયો, જેમાં વોર્ડ નં-4ના ભાજપ ઉમેદવારના ભાણાને તીક્ષણ હથિયારના ઘા મારીને મોતને ઘાટ ઉતારવામાં આવ્યો હતો. આ અથડામણમાં સામે પક્ષે કોંગ્રેસ ઉમેદવારના પતિ પણ ગંભીર રીતે ઘાયલ થયા હોવાનું સામે આવ્યું છે. ઘટનાને પગલે વિસ્તારમાં ભય અને તણાવનો માહોલ છવાઈ ગયો છે, જ્યારે પોલીસે મામલાની ગંભીરતા ધ્યાનમાં રાખીને તપાસ હાથ ધરી વધુ આરોપીઓને ઝડપી પાડવા કાર્યવાહી શરૂ કરી છે.