રાજકોટ જિલ્લામાં આજે ધોરણ 10નું પરિણામ જાહેર થતાં વિદ્યાર્થીઓમાં ખુશી અને ઉત્સાહનો માહોલ જોવા મળ્યો છે. રાજ્યભરમાં 83.86 ટકા પરિણામ જાહેર થયું છે, જ્યારે રાજકોટ જિલ્લાનું પરિણામ 88.11 ટકા નોંધાયું છે. ગત વર્ષે રાજકોટ જિલ્લાનું પરિણામ 87.19 ટકા હતું, જેમાં આ વર્ષે થોડો સુધારો જોવા મળ્યો છે. જિલ્લામાં 130 શાળાઓએ 100 ટકા પરિણામ હાંસલ કર્યું છે, જ્યારે 3 શાળાઓનું પરિણામ ઝીરો આવ્યું છે. રાજકોટની વિવિધ શાળાઓમાં વિદ્યાર્થીઓ સારા પરિણામને લઈને ઉજવણી કરતા જોવા મળ્યા હતા અને વાલીઓમાં પણ આનંદની લાગણી જોવા મળી હતી.
