સુરત એરપોર્ટ પર ફરી એકવાર કરોડોની કિંમતનો ગાંજો ઝડપાતા ખળભળાટ મચી ગયો છે. કસ્ટમ વિભાગે અંદાજે 3 કરોડથી વધુ કિંમતનો હાઇડ્રોપોનિક ગાંજો જપ્ત કર્યો છે. માહિતી અનુસાર ફ્લાઈટમાં 7 સીટની નીચે અલગ-અલગ 7 પેકેટમાં ગાંજો છુપાવવામાં આવ્યો હતો, જે તપાસ દરમિયાન મળી આવ્યો. કસ્ટમ વિભાગે કુલ 3756.57 ગ્રામ ગાંજો જપ્ત કર્યો હોવાનું જણાવાયું છે. નોંધનીય છે કે માત્ર બે દિવસ પહેલા પણ સુરત એરપોર્ટ પરથી 9 કરોડ રૂપિયાનો ગાંજો ઝડપાયો હતો, જેને લઈ એરપોર્ટ પર સુરક્ષા અને તપાસ વ્યવસ્થાઓ વધુ કડક બનાવવામાં આવી છે.
