વડાપ્રધાન નરેન્દ્ર મોદી આજે ગુજરાતની મુલાકાતે આવી રહ્યા છે, જ્યાં તેઓ સુરત અને દમણમાં અંદાજે ₹18,800 કરોડના વિકાસ કાર્યોની ભેટ આપશે. બપોરે 2:30 વાગ્યે તેઓ સુરત એરપોર્ટ પર પહોંચશે અને ત્યારબાદ હજીરા સ્થિત એલ એન્ડ ટી પ્લાન્ટની મુલાકાત લેશે. તેમના હસ્તે વડોદરા-મુંબઈ એક્સપ્રેસવે તેમજ ESIC હોસ્પિટલનું લોકાર્પણ કરવામાં આવશે. સુરતના ઇન્ડોર સ્ટેડિયમમાં તેઓ વિશાળ જનસભાને પણ સંબોધશે. ઉપરાંત, દમણ ખાતે નમો એરપોર્ટના નવનિર્મિત ટર્મિનલ બિલ્ડિંગનું ઉદ્ઘાટન કરીને વિકાસ કાર્યોને નવી ગતિ આપશે.
