સુરેન્દ્રનગર: પાવડરની આડમાં દારૂની હેરાફેરીનો પર્દાફાશ

સુરેન્દ્રનગર જિલ્લામાં દારૂની હેરાફેરીનો એક મોટો પર્દાફાશ થયો છે. ધાંગધ્રા-હળવદ હાઈવે પર LCB પોલીસે દરોડા પાડી શંકાસ્પદ ટ્રકની તપાસ કરતાં ચોંકાવનારો ખુલાસો થયો હતો. ટ્રકમાં સફેદ પાવડરની આડમાં છુપાવીને રાખવામાં આવેલી દારૂની 3518 બોટલો મળી આવી હતી. પોલીસે અંદાજે રૂ.10 લાખની કિંમતનો દારૂ તેમજ ટ્રક સહિત કુલ રૂ.30.34 લાખનો મુદ્દામાલ જપ્ત કર્યો છે. આ મામલે ટ્રક ડ્રાઈવરની ધરપકડ કરી તેની સામે કાયદેસરની કાર્યવાહી હાથ ધરવામાં આવી છે.