સુરેન્દ્રનગર જિલ્લાના લીંબડી તાલુકાના ઘાઘોસર ગામમાં બે પરિવારો વચ્ચે થયેલી મારામારીની ઘટના સામે આવી છે. અંગત અદાવતના કારણે બંને પક્ષો વચ્ચે બબાલ વધતાં હથિયારો વડે હુમલો કરવામાં આવ્યો હતો. આ અથડામણમાં ચારથી વધુ લોકોને ઈજાઓ પહોંચી હતી, જેને તાત્કાલિક સારવાર માટે હોસ્પિટલ ખસેડવામાં આવ્યા છે. ઘટનાની જાણ થતાં જ પોલીસ તાત્કાલિક સ્થળ પર પહોંચી પરિસ્થિતિ કાબૂમાં લીધી હતી. પ્રાથમિક તપાસ મુજબ અંગત વિવાદને કારણે આ ઘટના બની હોવાની શક્યતા છે, જ્યારે પોલીસે સમગ્ર મામલે વધુ તપાસ હાથ ધરી છે.
