અમદાવાદ શહેરમાં ફરી એકવાર બોમ્બ બ્લાસ્ટની ધમકી મળતાં સુરક્ષા તંત્ર હાઇ એલર્ટ પર આવી ગયું છે. શહેરની મુખ્ય ગણાતી ઘી કાંટા મેટ્રોપોલિટન કોર્ટ તેમજ લાલ દરવાજા સ્થિત સેશન્સ કોર્ટને અજાણ્યા તત્વો દ્વારા બોમ્બથી ઉડાવી દેવાની ધમકી આપવામાં આવી હતી. આ ધમકીના સમાચાર ફેલાતાં જ બંને કોર્ટ પરિસરમાં ઉપસ્થિત વકીલો, જજો, કર્મચારીઓ અને અરજદારોમાં ભારે અફરાતફરી અને ભયનો માહોલ સર્જાયો હતો.
ઘટનાની જાણ થતાં જ અમદાવાદ પોલીસના ઉચ્ચ અધિકારીઓ, બોમ્બ ડિસ્પોઝલ સ્ક્વોડ (BDDS) અને ડોગ સ્ક્વોડની ટીમ તાત્કાલિક સ્થળ પર પહોંચી ગઈ હતી. સુરક્ષાના ભાગરૂપે સમગ્ર કોર્ટ પરિસરને ખાલી કરાવીને સઘન ચેકિંગ હાથ ધરવામાં આવ્યું છે. પોલીસ દ્વારા ધમકી આપનાર અજાણ્યા શખ્સ કે ઇમેઇલ/સંદેશનો સ્ત્રોત શોધવા માટે સાયબર સેલની મદદથી વધુ તપાસ તેજ કરવામાં આવી છે.
