જમ્મુ કાશ્મીરના ઉધમપુરમાં બસ પલટી

જમ્મુ અને કાશ્મીરના ઉધમપુર જિલ્લાના રામનગર વિસ્તારમાં એક ભયાનક માર્ગ અકસ્માત થયો છે. ખાગોટ ક્ષેત્રમાં, એક બસ નિયંત્રણ બહાર જતા પલટી ગઈ, જેના પરિણામે ઘટનાસ્થળે જ સાત મુસાફરોના મોત થયા. આ અકસ્માતમાં ઘણા લોકોને ગંભીર ઈજાઓ પહોંચી છે. કેન્દ્રીય મંત્રી ડૉ. જીતેન્દ્ર સિંહે ઉધમપુરના રામનગરમાં થયેલા ભયાનક બસ અકસ્માત અંગે ઊંડો શોક વ્યક્ત કર્યો છે. ડૉ. જીતેન્દ્ર સિંહે લખ્યું કે ઉધમપુરના DC મિંગા શેરપા સાથે હમણાં જ વાત કરી. રામનગરથી ઉધમપુર જતી એક જાહેર પરિવહન બસ અકસ્માતનો ભોગ બની છે. રાહત અને બચાવ કામગીરી તાત્કાલિક શરૂ કરવામાં આવી છે.