સોના અને ચાંદીના ભાવમાં મોટો કડાકો નોંધાયો છે, જેના કારણે રોકાણકારો અને ખરીદદારોમાં ભારે ચર્ચા જાગી છે. મોડી રાત્રે કોમોડિટી બજાર બંધ થતાં જ કિંમતી ધાતુઓના ભાવમાં નોંધપાત્ર ઘટાડો જોવા મળ્યો હતો. 10 ગ્રામ 24 કેરેટ સોનાના ભાવમાં આશરે 4 હજાર રૂપિયાનો ઘટાડો નોંધાતા તેનો ભાવ ઘટીને 1.55 લાખ રૂપિયા સુધી પહોંચી ગયો છે. બીજી તરફ ચાંદીના બજારમાં પણ ભારે વેચવાલી જોવા મળી હતી, જેના પરિણામે એક કિલો ચાંદીના ભાવમાં 16 હજાર 500 રૂપિયાનો કડાકો નોંધાયો છે. ઘટાડા બાદ એક કિલો ચાંદીનો ભાવ 2.48 લાખ રૂપિયા પર આવી ગયો છે. વૈશ્વિક બજારની સ્થિતિ, નફાવસૂલી અને રોકાણકારોના બદલાતા વલણને કારણે કિંમતી ધાતુઓના ભાવમાં આ ઘટાડો નોંધાયો હોવાનું બજાર નિષ્ણાતો માની રહ્યા છે.
