આ રાઉન્ડ અંતર્ગત રાજ્યની ખાનગી શાળાઓમાં નિર્ધારિત બેઠકો પર વિદ્યાર્થીઓને પ્રવેશ ફાળવવામાં આવ્યો છે. ચકાસણી દરમિયાન અધૂરી વિગતો અથવા નિયમોના ઉલ્લંઘનને કારણે 56,000 થી વધુ અરજીઓ રદ કરવામાં આવી છે. જે વિદ્યાર્થીઓને પ્રવેશ ફાળવવામાં આવ્યો છે, તેમણે નિયત સમયમર્યાદામાં જરૂરી દસ્તાવેજો સાથે શાળામાં હાજર થવાનું રહેશે. આ વર્ષે RTE હેઠળ પ્રવેશ મેળવવા માટે વાલીઓમાં ભારે ઉત્સાહ જોવા મળ્યો હતો અને રેકોર્ડબ્રેક અરજીઓ આવી હતી. પ્રવેશથી વંચિત રહેલા વિદ્યાર્થીઓ હવે પછીના બીજા રાઉન્ડની પ્રતીક્ષા કરી શકશે. વાલીઓ પ્રવેશની સ્થિતિ અને શાળા ફાળવણીની વિગતો સત્તાવાર પોર્ટલ પર ઓનલાઇન ચેક કરી શકે છે.
