રાજ્યમાં વરસાદનું જોર ઘટ્યું છે. આગામી સાત દિવસ સુધી હળવાથી મધ્યમ વરસાદની આગાહી હવામાન વિભાગ દ્વારા કરવામાં આવી છે. આજે ગુજરાત રિજીયનમાં અલગ અલગ સ્થળોએ છૂટા છવાયા હળવા થી મધ્યમ વરસાદની આગાહી કરાઈ છે. રાજ્યમાં સીઝનનો 162.5 મીમી વરસાદ થયો છે. જો કે, આજની તારીખે 178.7 મિમી વરસાદ વરસવો જોઈએ. રાજ્યમાં 9% ઓછો વરસાદ નોંધાયો છે. 11 અને 12 જુલાઈ માછીમારોને દરિયો ના ખેડવાની સૂચના આપવામાં આવી છે. અમદાવાદમાં વાદળછાયું વાતાવરણ રહેશે.
