પાકિસ્તાનના પેટ્રોલિયમ મંત્રી અલી મલિકે સ્વીકાર્યું – દેશ પાસે એક દિવસ માટે પણ વ્યૂહાત્મક પેટ્રોલિયમ ભંડાર બાકી નથી

મધ્ય પૂર્વમાં ચાલી રહેલા સંઘર્ષ વચ્ચે પાકિસ્તાનની કથળતી અર્થવ્યવસ્થાની પોલ ખુલી ગઈ છે, જ્યાં માત્ર 5 થી 7 દિવસનો જ કોમર્શિયલ કાચો તેલનો સ્ટોક બચ્યો છે. મંત્રીએ ભારતની પ્રશંસા કરતા કહ્યું કે ભારત પાસે 60 થી 70 દિવસનો વિશાળ ભંડાર છે અને તે ગમે ત્યાંથી તેલ મેળવી શકે છે. ભારે આર્થિક સંકટ અને વધતી મોંઘવારીને કારણે પાકિસ્તાન પર હવે સંપૂર્ણ ઇંધણ ઠપ થવાનો ખતરો મંડરાઈ રહ્યો છે. આ સ્થિતિને પહોંચી વળવા માટે સંસાધનોના અભાવે પાકિસ્તાન લાચાર બન્યું છે.