જાપાનમાં ‘દુજોં’ વાવાઝોડાને કારણે ભારે વરસાદ અને પાણી ભરાવાની સ્થિતિ સર્જાઈ છે. વાવાઝોડાની અસરથી અત્યાર સુધીમાં બે લોકોનાં મોત થયા છે, જ્યારે અનેક વિસ્તારોમાં ભારે વરસાદ વરસી રહ્યો છે. આશરે 20 લાખ લોકો પ્રભાવિત થવાની આશંકાને પગલે ટોક્યો સહિત અનેક વિસ્તારોમાં એલર્ટ જાહેર કરવામાં આવ્યું છે. તંત્ર દ્વારા લોકોને બિનજરૂરી રીતે ઘરની બહાર ન નીકળવા અને શક્ય હોય ત્યાં સુધી સુરક્ષિત સ્થળે રહેવાની સૂચના આપવામાં આવી છે.
