ઓક્ટોબરથી ડિસેમ્બર દરમિયાન બંગાળની ખાડી અને અરબ સાગરમાં ત્રણ શક્તિશાળી વાવાઝોડાં સર્જાવાની આશંકા વ્યક્ત કરવામાં આવી છે. આ વાવાઝોડાંની અસર ગુજરાત અને મહારાષ્ટ્ર સહિત અનેક રાજ્યોમાં જોવા મળી શકે છે. મળતી માહિતી મુજબ, વાવાઝોડાની કુલ વિનાશક ક્ષમતા 83 ટકાથી વધુ હોવાનો અંદાજ છે. આ સંભવિત જોખમને લઈને ISRO દ્વારા રેડ એલર્ટ જેવી ચેતવણી સામે આવી છે. જો આ આગાહી સાચી સાબિત થાય તો આગામી ચોમાસા બાદનો સમય દરિયાકાંઠાના વિસ્તારો માટે પડકારજનક બની શકે છે. જોકે, વાવાઝોડાની ચોક્કસ દિશા, તીવ્રતા અને લેન્ડફોલ અંગે સત્તાવાર હવામાન આગાહી નજીકના દિવસોમાં વધુ સ્પષ્ટ થશે.
