3 મે 2026ના રોજ લેવાયેલી NEET 2026ની પરીક્ષા રદ કરવામાં આવી છે. પેપરલીક મામલો સામે આવતા આ મોટો નિર્ણય લેવામાં આવ્યો છે, જેના કારણે દેશભરના અંદાજે 23 લાખ વિદ્યાર્થીઓને ફરી પરીક્ષા આપવી પડશે. જોકે વિદ્યાર્થીઓને ફરીથી રજીસ્ટ્રેશન કરવાની કે નવું ફોર્મ ભરવાની જરૂર નહીં પડે. NTA દ્વારા અગાઉ ભરાયેલી પરીક્ષા ફી પરત આપવામાં આવશે તેવી પણ જાહેરાત કરવામાં આવી છે. પરીક્ષાની નવી તારીખ અંગે NTA ટૂંક સમયમાં સત્તાવાર જાહેરાત કરશે. સમગ્ર પેપરલીક મામલાની તપાસ હવે CBIને સોંપવામાં આવી છે.
