મિડલ ઈસ્ટમાં વધતા ભૌગોલિક તણાવની અસર વૈશ્વિક ક્રૂડ ઓઈલ બજાર પર ફરી જોવા મળી રહી છે. હોર્મુઝ સ્ટ્રેટમાં તણાવ વધતા કાચા તેલના ભાવ વધીને પ્રતિ બેરલ 85 ડોલર સુધી પહોંચી ગયા છે. જેના કારણે પેટ્રોલ અને ડીઝલના ભાવમાં ઘટાડાની આશા પર ફરી પાણી ફરી વળ્યું છે. જો ક્રૂડના ભાવમાં આ તેજી યથાવત રહેશે તો આગામી દિવસોમાં પેટ્રોલ-ડીઝલ ઉપરાંત LPG અને CNGના ભાવ પર પણ તેની સીધી અસર જોવા મળી શકે છે, જેનાથી સામાન્ય લોકોના ખિસ્સા પર વધુ ભાર પડવાની શક્યતા છે.
