વલસાડ જિલ્લામાં સતત વરસી રહેલા ભારે વરસાદના કારણે અનેક શહેર અને ગ્રામ્ય વિસ્તારોમાં પાણી ભરાઈ જતાં જનજીવન પ્રભાવિત બન્યું છે. વાપીના પોશ વિસ્તાર અવધ ટુંકવાડા, પટેલવાડી અને ગુંજન વિસ્તારમાં વરસાદી પાણી ફરી વળતાં રસ્તાઓ નદીમાં ફેરવાઈ ગયા છે. પટેલવાડી વિસ્તારમાં પાર્ક કરેલી અનેક કાર વરસાદી પાણીમાં અડધીથી વધુ ડૂબી જતાં વાહનમાલિકોને ભારે નુકસાન વેઠવાનો વારો આવ્યો છે. સતત વરસાદને કારણે નીચાણવાળા વિસ્તારોમાં જળબંબાકારની સ્થિતિ સર્જાઈ છે, જ્યારે સ્થાનિક તંત્ર દ્વારા સ્થિતિ પર નજર રાખીને જરૂરી કાર્યવાહી હાથ ધરવામાં આવી રહી છે.
