અમેરિકાના અનેક વિસ્તારોમાં પ્રખર હીટવેવનો કહેર જોવા મળી રહ્યો છે, જેના કારણે અંદાજે 4.40 કરોડથી વધુ લોકો અસરગ્રસ્ત બન્યા છે. રોકી માઉન્ટ વિસ્તાર, મોન્ટાના અને નોર્થ ડકોટા સહિતના રાજ્યોમાં વિક્રમી ગરમી પડવાની શક્યતા વ્યક્ત કરવામાં આવી છે. કેટલાક શહેરોમાં તાપમાન 43 ડિગ્રી સેલ્સિયસ સુધી પહોંચી શકે તેવી આગાહી કરવામાં આવી છે. ગરમીના વધતા પ્રકોપને ધ્યાનમાં રાખીને લોકોને બપોરના સમયે ઘરની બહાર ન નીકળવાની સલાહ આપવામાં આવી છે. અમેરિકાના કેટલાક વિસ્તારોમાં પ્રથમ વખત આટલી પ્રખર હીટવેવનો અનુભવ થઈ રહ્યો છે. સાથે જ ભારે ગરમી અને સૂકા વાતાવરણને કારણે જંગલોમાં દાવાનળ ફાટી નીકળવાનો ખતરો પણ વધી ગયો છે.
