દક્ષિણ અમેરિકાના દેશ કોલંબિયામાં ૭.૪ ની તીવ્રતાના વિનાશક ભૂકંપે ભારે તારાજી સર્જી છે. આ શક્તિશાળી ભૂકંપના આંચકાને કારણે અનેક ઈમારતો પત્તાના મહેલની જેમ ધરાશાયી થઈ ગઈ છે. પ્રાથમિક અહેવાલો મુજબ, આ દુર્ઘટનામાં અત્યાર સુધીમાં ૧૧૧ લોકોના કરૂણ મોત નીપજ્યા છે, જ્યારે મોટી સંખ્યામાં લોકો કાટમાળ હેઠળ દબાયા હોવાની આશંકા વ્યક્ત કરવામાં આવી રહી છે.
ભૂકંપ વિજ્ઞાન કેન્દ્રના જણાવ્યા અનુસાર, ભૂકંપનું કેન્દ્રબિંદુ કોલંબિયાની રાજધાની બોગોટાથી આશરે ૪૦૦ કિલોમીટર પશ્ચિમે નોંધાયું હતું. ભૂકંપ બાદ સુરક્ષાના ભાગરૂપે અનેક રહેણાંક અને કોમર્શિયલ બિલ્ડિંગો તાત્કાલિક ખાલી કરાવી દેવામાં આવી છે. આફત રાહત ટુકડીઓ અને સ્થાનિક તંત્ર દ્વારા કાટમાળ નીચે દબાયેલા લોકોને બહાર કાઢવા માટે યુદ્ધના ધોરણે બચાવ અને રાહત કામગીરી ચલાવવામાં આવી રહી છે.
