આજે આસામમાં નવી સરકારની શપથવિધિ યોજાવાની છે, જેમાં હિમંતા બિસ્વા શર્મા બીજી વખત રાજ્યના મુખ્યમંત્રી તરીકે શપથ ગ્રહણ કરશે. ગુવાહાટીના વેટરનરી કોલેજ ગ્રાઉન્ડ ખાતે સવારે 11:40 કલાકે યોજાનારા આ ભવ્ય સમારોહમાં પ્રધાનમંત્રી નરેન્દ્ર મોદી સહિત અનેક રાજ્યોના મુખ્યમંત્રીઓ હાજરી આપશે. મુખ્યમંત્રી સાથે ચાર ધારાસભ્યો પણ મંત્રી તરીકે શપથ લેશે. જેમાં રામેશ્વર તેલી, અતુલ બોરા, ચરણ બોરો અને અજંતા નિઓગનો સમાવેશ થાય છે. સમગ્ર રાજ્યમાં શપથવિધિને લઈ ઉત્સાહનો માહોલ જોવા મળી રહ્યો છે.
